【BB Outlet】款式超多 最平BB長袖衫14蚊件

香港講到最貴就一定係地，所以鋪位鋪租絕對係一間店舖嘅最大開支，要搵平野一定要走訪工業中心，橫街窄巷。以下呢間BB Outlet就係工業中心到搵出嚟嘅，真係平到買曬一年四季都唔過份。

三對BB襪都係20蚊，唯一美中不足嘅就係款式無得揀，要一Pack Pack咁買。

BB一日入面花最多時間做嘅就係訓覺，一場嚟到不妨買個靚靚睡袋比BB，質地摸落都舒服，最重要係外型都唔錯，$70蚊都唔算太貴。

好多家長都鍾意幫BB打扮成可愛風格，今個秋季不如試下成熟風，打下Bow tie。

(入面件衫同褲係連身設計，加一件灰色綿外套同帥氣Bow tie；$90)

唔想一套買，一件薄薄地嘅系裝外套都係$40一件。

想走另類風格都冇問題，BB一向都鍾意玩角色扮演，買返套似模似樣嘅衫仔，滿足佢地嘅扮野欲望。

重頭戲嚟啦，大量長袖BB衫都係15蚊件，你可能會話小編你呃人，標題又話14蚊件！原來係比錢果陣，Like返舖頭Facebook Page就可以有9折優惠，就算你淨係買對襪都打9折比你，正所謂慳得一蚊得一蚊，你唔會唔Like掛，店主仲話買夠$500或以上即有八五折優惠！

小編都有買到野，我就買左上面呢件工人吊帶衫連Tee，你地估下幾多錢？開估！都只係27蚊(原價$30，9折後$27)。

同場仲有BB學步鞋賣，都係$40一對，6-12月BB都適合！(至於係真係假小編當日就冇深究)

BIG 1 BB童裝開倉BB outlet

地址：葵涌大連排道162-170號金龍工業中心第二座11樓A-B室（葵芳地鐵A出口，巴士葵芳邨站）
開倉時間： 中午十二時至下午七時

日期：即日起至9日

只收現金，請自備環保購物袋！