【熊本熊嚟喇】過首個熊式聖誕

話晒都係全港首個Kumamon聖誕大型裝置，今次呢個【熊本縣Kumamon「熊」式聖誕之旅@荷里活廣場】一點都唔馬虎，將熊本縣多個特色景點融入設計之中，包括立體展示熊本縣Kumamon當地物產、黑川溫泉、水前寺公園及神社鳥居、熊本縣市區列車、球磨川木橋等。

熊本熊將成個熊本駅搬咗嚟香港呀！

日本真係周圍都食到拉麵，熊本部長都唔執輪食返碗。

Kumamon都帶咗幾張喺日本影嘅靚相，放咗喺列車外邊畀大家睇。

Kumamon浸咗喺黑川溫泉，好爽的樣子呀！

部長將辦公室用嘅文具都帶咗啲過嚟，等大家一齊感受下佢喺日本嘅辦工室。

熊本縣嘅名物都會同場展出。

呢個郵筒只係用來裝飾，唔好以為可以寄信呀！

戴上聖誕帽的Kumamon，在球磨川橋前等大家合照。

充滿日本風味的鳥居。

大家可以坐上熊本熊列車拍照。

呢個車卡就有互動遊戲畀大家玩，之後仲可以同熊本熊合照添！

連火車前嘅路燈都有熊本熊，好可愛架！

當然少不了期間限定店，店內會優先發售一系列熊本熊精品，扣除成本、開支後，會作聖誕義賣，撥捐日本熊本縣政府件支持及振興發展之用。

另外，大家只需捐款(任何金額)，都可獲得幸福和紙兩張，大家可將心願寫上和紙並摺成祝福紙鶴，向部長送上佳節祝福。商場還準備了「幸福紙鶴工作坊」，等唔識摺紙鶴嘅朋友仔一齊學，紙鶴將會被送到熊本縣，以陪伴部長。

日期：即日起至2017年1月2日

時間：中午12時至晚上9時

地點：鑽石山荷里活廣場1樓明星廣場