【批鬥批出禍】年輕孕婦坐博愛座被質疑 站至下車最終導致出血

不過呢個問題唔單止出現係香港，台灣一樣有「博愛座」，批鬥風氣一樣有過之而無不及。話說有位年輕嘅台灣孕婦(20歲)，因為企得唔舒服，於是選擇坐「博愛座」，但一坐低無幾耐，就惹來車廂中的一對情侶不屑，女方更出言侮辱：「你怎麼那麼不要臉，大家都不敢坐博愛座，你怎麼有臉做這個位子，腳是殘廢了嗎？」，而男方則在一旁拍攝竊笑。

單靠表面來判斷一個人可唔可以使用「關愛座」、「博愛座」係大部人嘅通病，呢位準媽媽雖然好嬲，但當下都有說明自己唔舒服，以及拎出一堆文件證明自己係孕婦，包括媽媽手冊、健保卡、超音波照。

但事情並無因此告一段落，呢對小情侶繼續死纏爛打，直指事主個肚都唔係好大，要呃人都搵第二樣嚟呃，而車上乘客亦都無人出聲幫呢位年輕孕婦，個個坐係到「食花生」，最後呢位年輕孕婦，因受不住壓力，都係企返起身等落車。

落車之後，呢位孕婦就引唔住放聲大哭，回家路上個肚唔舒服而馬上去診所安胎，醫生話事主情緒受到嚴重影響，加上因久站而導致下體出血，所以引致不適！所以話有時「正義」都會被濫用，好心做壞事比壞人做壞事來得更恐怖，更傷透人心。假如「關愛座」、「博愛座」變成咁，不如取消咗佢可能更好，事主經過呢次之後更留下心理陰影，只希望呢位準媽媽能夠好好安胎，不要把這件事再放在心上。