【揸機=道理?】商場無擺攤檔 媽咪質問點解唔可以用學行車

不過眾所周知，雖然未必每個商場都寫明禁止使用「學行車」，但商場始終有一定人流，禁止使用都算是對小朋友的保障，假如發生碰撞事件，勢必掀起一場腥風血雨的口角戰。

再一次提醒大家，揸機拍攝不等於有道理！呢位媽咪嘅言論更加引來網民抨擊，直指呢位媽媽不能自以為不會影響其他人，沒有街坊投訴就什麼都可以做。

不過似乎呢位媽媽未能接受批評，於是留言還擊，再被網民用黃子華嘅「魚蛋論」完美擊倒！要捉一個殺人犯之前，係咪要捉曬其他未落網嘅罪犯先公平呢？其他罪犯未落網唔表示你無犯罪。

不過都明白媽咪嘅個案其實都反映香港地，比小朋友自由活動嘅地方都買少見少。為什麼公園不能踩單車，大草地為什麼不能坐上去休憩等，是小朋友已經不需要玩樂空間，還是我們每個人都怕被投訴而固步自封，處處限制，不論呢位媽媽是次立場對與錯，呢一樣先係真正值得大家討論和注意的地方！

圖片：截自東涌人Tung Chung Future