【抓嚟抓去】小朋友成日抓人點算好？

好多家長都會擔心小朋友鍾意抓人，係一種暴力側向，所以會好擔心同喝止小朋友。但其實呢個只係一個小朋友成長嘅階段，家長只需耐心教導就可以。

圖片來源：freepr

排除情緒上嘅發洩，好多時小朋友抓人係一種無意識行為，只係佢地一種探索嘅方式。隨住小朋友發育成長，佢地會開始掌握手部抓握嘅技能，當小朋友開始嘗試使用及練習使用呢份能力，就會經常抓到其他人嘅頭髮同面。雖然如此，但如果家長未有好好糾正問題，小朋友以後就有機會會形成攻擊性習慣。

表達疼痛感受

要令小朋友知道，呢個行為會令人感到疼痛，小朋友抓到時，要誇張地表現出疼痛嘅感受。而同時亦要令小朋友明白到將心比己嘅道理，令佢下次係做呢件事前要先設身處地為對方著想。

適當責罰

如果勸說無效，家長就要略施小懲，例如當小朋友抓人後，就無得食鍾意食嘅嘢。家長一定要令小朋友感受到抓人呢個行為係令人不喜，因此家長係表達嘅時候，要用不滿嘅表情同否定嘅語氣，令小朋友有深刻嘅抑制印象。