【一次吃到飽】Sogo都可以掃街

嗱，小編就去到現場為大家進行大搜查，有好多從未在港開店的食店，有啲真係好值得大家去試！

食店：

玖子貴

來自鹿兒島的魚餅專門店，係期待度No.1的食店，店子主打鹿兒島名物薩摩魚餅，去年更獲選為日本「Food Action Nippon Awards」一百強。

今次來港的十款魚餅中，「流心蛋魚餅」更加是獲獎名物，另外九款魚餅包括「北海道粟米魚餅」、「明太子醬小丸魚餅」、「鹿兒島安納芋甜番薯魚餅」、「鹿兒島甜蝦芝士魚餅棒」、「北海道魷魚魚餅」、「鹿兒島蝦芝士魚餅」、「香烤芝麻魚餅」、「香蔥檸檬鹽魚餅」及「經典薩摩炸魚餅」，大部分食材由日本空運到港。

小編試食咗幾款，流心蛋魚餅原來底部墊有一塊薄蓮耦，所以食落爽爽地，非常有心思。

另外，小編推介「香蔥檸檬鹽魚餅」，以為會成口蔥味，但因為加了檸檬鹽的關係，魚餅食落不會太過蔥，反而多了一份清新感！真心推介！

華御結

小編向來都鍾意食飯糰，尤其是出外工作時，食個飯糰就能解決一餐真係好方便，而華御結亦都是小編最愛的飯糰店。

今次進駐Sogo就有限定「金黃海膽沙律御結」，更帶來其他舖頭沒有的玉子燒系列。

另外，亦推出Sogo限定的健康雜穀曲奇系列，當中糯米櫻花雜穀曲奇十分受歡迎呢！

Quiche Yoroizuka

呢間東京人氣法式鹹批專門店，今次首次來港開業，是次所帶來的四款最受日本年輕男女歡迎的口味(香橙杏仁、龍蝦汁蝦肉、羅蘭士、法式焗洋蔥)，以及香港限定的鎧塚厄瓜多爾可可農場朱古力口味。

越前海鮮俱樂部

越前海鮮俱樂部除了食物正之外，師傅都好吸晴架！

呢間小店出售的全部都是由海鮮即壓而成的小食，當中最吸引的是原隻櫻花蝦放入機內壓製而成的蝦片，師傅先將櫻花蝦放入機入，壓製數分鐘之後，便會成為新鮮的蝦片，而且更洋溢著陣陣蝦香味，食落口海水鹹香味十足！不過價錢就略貴咗少少，$33得一片咋！

甜點類：

BUTTER BUTLER

作為日本東京新宿最新注目的甜點品牌，一看店名就知與牛油相關，各款甜點都以牛油入撰。

開業初期會帶來4款人氣產品包括皇牌牛油費南雪、焦糖白雪餡餅及脆糖牛油蛋糕。費雪南牛油味重得嚟又唔會膩；而脆糖牛油蛋糕就好好味，上面嘅脆糖香脆可口得來又不會太甜，至於焦糖白雪餡餅就有芝士加焦糖醬，超級吸引呀！

iCREMERiA

以原個蜜瓜雪糕出名的甜品店，今次在Sogo重新開業，帶來限定食品─日式蕨餅。

口感煙韌的蕨餅串外層配上純天然的黑砂糖粉，超級好味！

另外亦有蕨餅抹茶芭菲杯，為炎炎夏日降溫，小朋友肯定超開心！

Petite Merveille

來自北海道的芝士蛋糕品牌，最受歡迎的是北海道一口芝士蛋糕，芝士蛋糕食落非常軟滑，因為用上法國及丹麥忌廉芝士調配而成，味道亦與別不同。

另外，亦有綿滑卷蛋系列及原個芝士蛋糕供選擇，相入面呢款就係期間限定嘅櫻花卷蛋。

DALLOYAU

今次DALLOYAU於Sogo開設旗下第4間分店，推出多款精緻法式糕點，包括Mother's Day Pétales Fruités、Mother's Day Religieuse及Champagne Macaron Rosé，以預祝5月母親節來臨。