【疑戴綠帽】泰國男子Facebook直播殺親女

日前係泰國，就有男子因為懷疑自己老婆有外遇，於是用Facebook直播用繩勒死11個月大嘅親生囡囡，之後再自殺。事發在普吉府他朗縣， 一名21歲男子威迪訕（Wuttisan Wongtalay）因偷睇到老婆頌美堤（Jiranuch Triratana）手機短訊，懷疑佢有外遇，因此恐嚇要殺死佢。頌美堤當時受驚逃走往哥哥屋企，直到傍晚時分，頌美堤想致電威迪訕帶走囡囡，可惜電話無人接聽…之後就聽到自己哥哥話見到威迪訕Facebook直播殺女過程。

頌美堤得悉事件後馬上報警，警方之後於奈通海灘附近的一座廢棄大樓搵到已上吊身亡嘅威迪訕及囡囡遺體。頌美堤傷心欲絕，話隨住囡囡離世，自己都唔想生存，更指希望可代替囡囡離去。

相信呢件事，對媽媽而言會係一世嘅陰影…其實有咩問題都可以溝通，就算結果未如理想，都唔洗自尋斷見嘅，而且仲要親手殺埋親生囡囡，忍心咩？

圖片來源：網絡