【送禮畀初生B】最好唔好送呢啲

奶粉、尿片

很多人都喜歡送這些實用性強的用品，而不少父母都喜歡收到，但緊記如果要送人奶粉尿片，記得先了解其需要再去買，因為奶粉、尿片都涉及到敏感問題，例如BB的皮膚及腸胃都較易敏感，會否合適使用該款尿片或奶粉，都是一個很大的問題。

玩具

送玩具畀BB當然無錯，但最好就揀返啱年齡嘅禮物，如果送一、兩歲先玩得的玩具，真係放到封咗塵都未玩得，而且玩具多數佔用的空間比較多，所以最好就送啲啱玩的，以免要放上兩年才可以玩。

相架

買禮物畀BB都會行下百貨公司搵靈感，見到「12個月」款，自不然會萌生起送給新手爸媽的想法，但收到真係唔知點算好，因為相信有心要做這款相架的爸媽都會自己買了，而沒有買的，相信就是沒有想過要這樣做吧！

手模腳模套裝

通常想整的又會自己買了，又或是已經預約了專人上門整，無準備要做而又收到的，就真係整又唔係，唔整又唔好意思！

衫褲鞋

衫褲鞋不是不好，但SIZE是最難確定的一環，如果真係要送就建議送6個月以上的衣服，而且記得選好天氣，因為到時衫啱但天氣唔啱，又會做成浪費。

嬰兒用品

護膚品及濕紙巾等都是嬰兒必需品，但家長可能已經有習慣使用的牌子，可能你送的品牌未必合適，又有機會造成浪費。

補充品

例如保嬰丹、猴棗散、DHA等等，可能會覺得對小朋友有效，但未知其父母是否會讓小朋友食，又可能某些含中藥成份，對有G6PD的小朋友來說未必合用。

其實計我話送禮最好是先了解對方需要，就算送奶粉尿片，都可以先問一聲哪個品牌合用，否則送再好再貴的物，如果不合用都只會造成浪費，既浪費心意，又浪費物件。

至於有咩禮物適合送畀初生BB？可按此收睇下一篇﹗