【你不可不知】夏日雪櫃食材保鮮法

雪櫃管理要做足

如果雪櫃溫度過低，會容易令蔬果凍傷，因此一般嚟講，雪櫃冰箱溫度最好大概攝氏零下15至18度，冷藏室平均約攝氏4至5度；而蔬果存放區則大約攝氏8度左右。不過有啲雪櫃會以「強中弱」嚟顯示調節，大家調整為「中」或「中至弱」之間即可。另外，雪櫃建議每個月清空一次，令內部空間保持有20%至30%嘅空間，咁樣先可以令雪櫃中嘅冷空氣能夠循環流轉，再加上定期適當清洗，就可增進同保持雪櫃功能。

食材放置有學問

由於未經煮熟的肉有機會滲出血水，因此應把新鮮肉類放於雪櫃間格的中下層；而熟食則主要放於上層，而最下層溫度及濕度最高，就應該放置蔬果，而門邊溫度較高，所以建議放抗菌力較好、不易變壞的食材(如：雞蛋、醬油等)。

食物收納小建議

如雪櫃中食材太多，很容易因「唔記得」而令食物過期，建議大家在購買食材後，按食物份量以保鮮盒分裝包好，再於盒上貼上購買日期或是到期日。這樣存放便乾淨又整齊！

只要做好雪櫃嘅管理，唔單止食材唔會凍傷或變壞，就連雪櫃壽命也可以變長呢﹗大家不妨一試。

圖片來源：freepr