【提高警覺﹗】拐子婆旺角趁人多想扯走小朋友

事發於昨日下午2時，呢位媽媽帶著小朋友去旺角雅蘭一期睇完醫生後，行經砵蘭街附近(對面是朗豪坊門口)，打算沿報紙檔行去的士站。當時人流很多，而媽媽亦一直拖實小朋友未有鬆過手，突然有位婆婆(媽媽形容是呀婆)拖住小朋友另一邊手，扮曬一家人咁一齊行；媽媽嚇了一嚇，馬上拉著孩子往自己身邊，但對方仍未有放手的打算；最後，媽媽立即抱起小朋友，並問對方咩事，該名呀婆才鬆開手扮無事咁走開。由於仲係午餐時段，現場有好多途人目撃事件發生，事後有人問媽媽是否認識對方，媽媽回答「唔識」後，大家都嚇了一跳﹗

事發在砵蘭街朗豪坊門口對面行人路，平時人流已十分多。

媽媽事後諗返起件事都真係愈諗愈驚﹗因為，無諗過喺眾目睽睽下，居然有人夠膽去搶有家長拖實的小朋友﹗事敗後也可以施施然咁笑住走，想像唔到可以咁猖狂﹗媽媽後來在其Facebook專頁發文，講述事件經過，同叫各位唔好掉以輕心，真係要睇實小朋友﹗

媽媽本身是食譜作家，更她的Facebook專頁《絲房菜》講述事件經過，令一眾家長譁然﹗

該媽媽後來報警落口供及備案，相信警察亦會十分關注此事。但各位家長帶小朋友出街或去公園玩時，就真係要提高警覺了﹗

資料及相片來源：Facebook專頁《絲房菜》