【幾辛苦都抵！】單親爸爸做到病 囡囡鼓勵信感動爸爸

好彩佢囡囡又貼心又乖豬，見到爸爸咁辛苦，寫返封信去多謝爸爸，搞到爸爸好感動，將信上傳至Facebook群組「爆廢公社」大呼：「我是一位單親老杯（老爸）！我驕傲！我的女兒好貼心寫的我很感動」

囡囡係信上寫：「爸爸辛苦你了，我的願望是可以讓你變有錢，你多多休息，不要吃壞肚子，希望你們可以平平安安，你賺錢很辛苦，你要多多休息，辛苦了，祝你平平安安」有啲字唔識寫，仲要用注音協助，真切嘅心意真係令人感動。據悉，呢名爸爸住係台南，囡囡7歲時佢同前妻離婚，做配管工程嘅佢為咗令子女生活環境更好，而努力接單工作，連假期都唔休息。但佢並無因此忽略子女，即使工作忙碌，囡囡放學時佢都會去接囡囡返屋企，假日要返工，囡囡就交由前妻照顧。佢話，同囡囡一齊食飯、親子互動嘅時光，就係佢最幸福快樂嘅時候…所以佢收到呢封鼓勵信時，佢忍唔住流下感動嘅淚水！

網民們聽到都深受感動，紛紛指：「有洋蔥…」、「暖心，再苦再累都值得了」、「看到這樣，再辛苦也會撐下去」、「這比任何禮物都還有價值」、「孩子很貼心懂事，爸爸你很成功哦」

圖片及資料來源：Facebook群組「爆廢公社」