2019-11-18, 週一

兩個就夠晒數?想快樂要生多啲!

一個、兩個、三個‧‧‧‧‧‧政府早年宣傳片就話兩個就夠晒數,但今時今日的香港,幾年前已經話養個細路要四百萬,嚇到父母生一個就算。但話時話,若家中只得一個小孩果真悶到發慌,不過,生仔又要錢又要教,無理由生咁多搵自己笨。如果話你知,愈生得多父母會愈開心,你又會唔會諗諗?

2150818news02

澳洲珀斯  Edith Cowan University 心理學及社會科學院講師  Bronwyn Harman 的一項研究發現,育有四個或以上子女的家長,生活相對子女較少的開心,不論在適應能力、社會支持及自尊方面都較具優勢。不難想像的是,人多的時候,家中必然出現混亂,不過家長們都覺得大家庭帶來的快樂可以抵消一切,而且兄弟姊妹間互相支持,每位家庭成員也感到幸福!未知各家長們會否因此而考慮生多兩個呢?