2019-10-22, 週二

【保衛低頭族】德國加設地面馬路指示

科技發展得咁快,除咗完全改變人類生活習慣之外,再喺短短幾年之間衍生出一班新族群,就係「低頭族」!而社會為咗照顧呢班亡命嘅「低頭族」,亦開始加入一啲協助措施,減少意外發生!

【親子情報】德國加設地面馬路指示

【親子情報】德國加設地面馬路指示

好似德國嘅奧格斯堡,為咗減低「低頭族」族人過馬路出意外嘅風險,特登喺兩旁安置兩排LED訊號裝置!每當有電車或巴士埋站嗰陣,LED就會發光提示行人。不過,呢項措施相當「負皮」,除咗成本太高,每組需要近10萬港幣之外,最重要係減低應有嘅安全意識!真係有必要咁做?

 

原文連結:保衛低頭族 德國加設地面馬路指示

文章來源:Price.com.hk