2019-10-17, 週四

【有待改進】九巴回程八折搵笨 轉車站蝕曬

港鐵同九巴之所以會定期有減價優惠就唔係因為好人,純粹係同政府有協議要「回饋乘客」。呢個協議規定九巴同港鐵係回報超出按其固定資產平均淨值計算嘅指定回報率時,就須要同乘客均分超出的回報,而方法就無局限,所以佢地通常都會推出類似優惠吸引人搭而唔會直接減價。

 20161108 5127 a1

首先睇返呢次優惠折扣嘅內容:

九巴會喺於 2016年11月5日 (星期六) 至 2017年1月31日 (星期二)期間,推出「即日回程八折車資折扣優惠計劃」,乘客以同一張且餘額為正數嘅八達通付款,即日來回乘搭同一路線或同一組別路線,回程嘟卡即可享八折車資折扣優惠。

當中嘅敗筆就係同一組別路線呢個位,令到要係轉車站轉車嘅乘客將果八折優惠,往往「嘟」咗去轉車嘅車費之上。

以小編的親身經驗做例子,我住馬鞍山海典灣,每日都要去葵興返工,咁首先我會搭43x去到城隧轉車站落車然後轉40x去到葵俊苑,呢程就$9.1無得平!好啦重點嚟啦,我收工當然就係搭40x去返轉車站再搭43x返屋企,點知我果程40x照收$9.1,轉車站上43x果$1就同我打左個八折,慳左我兩毫子真係唔該曬。

簡單d嚟講,只要你係去程,係轉車站轉車而又唔需要拍卡,回程就會用左果八折用左係轉車車費到。

20161108 5127 a2

圖片截自網絡