2019-10-16, 週三

【罰$2000啊】今起嚴打亂過馬路 三種最易中招燈位

香港人生活急促,但偏偏就人多又多燈位!見到冇車自然想就咁行過去唔理紅燈,但呢幾日就唔建議大家亂過馬路啦,事關由依家開始,警務處一連五日進行全港行人道路安全行動,以減少涉及行人,特別是長者及年幼學童的交通意外,姐係路口位會多咗人睇實你地。

 20161209 5454 A1

今朝已經有網民反映自己已經中左招,係呢五日警務處行動期間,警方將進行執法,票控亂過馬路或干犯嚴重違例事項的行人。20161209 5454 A02

圖片截自網絡討論區LIHKG

綜合網民意見,香港有好多燈位都好極端,太快過唔切又比人捉,長時間唔轉無耐性衝紅燈又比人捉!

三種最易中招燈位

1.極慢

例如何文田衛理道有一個燈位係要拍燈柱上面個黃色的儀器先會轉,唔知又無耐性嘅就會忍唔住衝。

2.極快

例如紅磡家維村對開,一轉綠燈5秒左右就馬上進入閃燈狀態,加加埋埋大約只有12-14秒時間。行動不便嘅人分分鍾過唔切。

3.極煩

住元朗、天水圍或者屯門呢幾區嘅市民應該好熟悉輕鐵,雖然好多時輕鐵站d行人燈位時間都算正常,但係明明只需要左右擰一下頭見到無輕鐵就大致上穩陣,最嬲就係成日見到無輕鐵埋站都係紅燈,點解啊!真係好炆!相信平時大家都衝唔少呢d燈位,依家開始要冷靜返d啦。