2020-02-17, 週一

【小朋友齊理財】兒童開戶知多啲

好多爸媽都會計劃為小朋友開設兒童戶口,教導小朋友如何理財之餘,亦為佢地安排儲蓄計劃。但每間銀行申請戶口所需要的條件、提供的服務各有不同,真係睇到人頭暈眼花﹗不過,無論去哪間銀行申請兒童戶口都好,一些基本資料大家都要知﹗

 

20170323 6385 001

記得帶齊身份、住址證明

開戶口最基本當然要有錢同帶齊個人資料,例如:住址證明、家長身份證、子女出生證明文件或身份證(視乎年齡而定)。個別銀行所需要的資料較為詳細,如創興銀行就要最近3個月的住址證明。

小朋友要幾大先可以申請「個人」兒童戶口?

申請「個人」兒童戶口,需持有兒童身份證才可辦理,故此,小朋友要11歲或以上,並有香港兒童身份證在手,才可辦理。

成功申請「個人」戶口後,小朋友可以自行提款嗎?

可以,小朋友可自行提存現金。此類兒童獨立戶口以小朋友「自主理財」為主,大多數只有儲蓄、提款功能。

11歲以下小朋友,無法申請兒童戶口嗎?

可以「信託形式」為小朋友開戶,但需要家長名義申請,小朋友只是掛名;而戶口運作皆由父母操作,戶口功能與成人戶口分別不大。此類戶口一般提供不同類型的儲蓄或保險計劃,以供家長選擇。

另外要注意,部份銀行有可能要會有結餘要求,例如恆生銀行「智多 Kid 理財戶口」的存餘少於$5,000,每月就會自動於帳戶內扣除$50月費。有關細節請向相關銀行查詢了解。