係小編讀書果個年代,印象中畢業典禮雖然唔係人人都想去,但絕對係每位同學都有出席嘅權利,無論成績好與壞都有機會係當日留下小學生涯最後嘅美好回憶!但估唔到原來依家小朋友想參加畢業典禮都受到限制,嚴重打擊學生自信心之餘,更帶有階級同歧視成份,學校本身呢個價值觀就已經錯曬!

20161109 5141 a2

圖片截於網絡

一群媽媽係網絡瘋傳以上學校通告,指責校方歧視學生之餘做法更加係十分惡劣!校名就不方便透露了,不過小編在好奇心驅使下發現涉事學校正校及分校都係行緊以上政策。

有部分媽咪擔心,本身特殊嘅同學仔,係呢個政策下只會嚴重打擊佢地自信心!更引用唔少名人細個上堂都唔專心,操行都未必好,唔應該咁快判班小朋友死刑!而且上述政策一定要有一位好老師作把關,因為即使學生操行成績未達標,但只要有老師推薦仍有機會出席,不過仲有一個更重要嘅問題出現,就係未達標嘅同學只係會得到「修業證明」而唔係「畢業證書」,對佢地升學面試絕對有影響,甚至唔排除會有中學當佢地小學未畢業都唔出奇!

20161109 5141 a1

圖片:網絡

細仔再分析,小朋友天資各有不同,如果操行拎A,讀書好比心機,但最後成績依然未如理想時,一樣有機會失去出席資格!但佢地其實乜都冇做錯到就要比校方「歧視」,有教無類嘅辦學宗旨到底香港仲有幾多間學校做到。

雖明白校方可能希望透過威嚇,令同學自行檢討過往行為,係最後一年爭取好成績好操行,但此等方法絕非教育界應有嘅手段,即使理由再冠冕堂皇都講唔通!

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×