【你又識唔識？】5個容易混淆的中文字

我哋就搵咗5個發音相同又好易混淆嘅字，睇吓大家又知幾多？

畀、俾

畀：有「容許」、「給予」嘅意思。

例子：我畀條鎖鑰你啦。

俾：有「令到」、「使到」嘅意思

例子：今日咁開心，唔好俾佢停呀！

瞓、訓

瞓：呢個字係粵語地區嘅自創方言字，係指「睡覺」、「睏」嘅意思。

例子：好眼瞓，好想瞓覺。 

訓：意思大概係「教導」、「告誡」。

例子：我頭先先畀老師教訓完嚟。

周、週

周：有「環繞」、「區域外圍部份」、「全部」、「嚴謹」之意

例子：呢度四周都守衛嚴密，每個角落都有警報器，啲保安仲周身裝備添！

週：同「周」意思有相通，但「週」可當量詞使用，並有「滿一年」嘅意思。

例子：本週最重要日程，係週四嘅結婚週年紀念日。

須、需

須：呢個字係一個副詞，一般會係後面配搭動作，一般指「一要」、「要」

例子：呢份活動須知，大家必須要交畀你哋嘅父母。 

需：呢個字一般解「需要」、「需求」等。

例子：你需要沖完涼，先可以上床瞓覺！

刷、擦

刷：此動詞嘅主語需要係一件「有毛」嘅物品。

例子：用牙刷幫天竺鼠刷毛。 

擦：主語要係一件「無毛」嘅物品。

例子：以前嘅人用擦膠擦鉛筆痕、沙膠擦原子筆痕。