【葉偉麟專欄】烏龜與貝殼

貝殼，英文係Shell, 亦即是一些甲殼類生物的家，它的Shelter，它的home 。

在象徵遊戲當中，有機會是反映出安全的地方。但最重要的，不是治療師的自我解讀，反而是這一個個貝殼對女孩子來說有什麼象徵意義。只有這樣的正確理解，才能夠進入她的內心世界。

我：「我見到地上面，你排咗啲嘢喺度喎。」

女孩：「係呀，要嚟困住隻烏龜喺入面架。」

我：「隻龜而家被困住唔出得嚟？」

女孩：「係呀，佢做咗壞事，要困10年先慢慢變番好。」

我：「原來烏龜喺裏面改過自身。」

女孩：「佢好快就冇事架啦。」

經過一輪治療之後，女孩子已經再沒有分離焦慮症的狀況，情緒亦穩定下來。上課情況正常了。

家長：「你敎我日常生活中對個女嘅技巧好有用，我哋用咗之後，佢嘅安全感好咗，已經無成日黐身黐勢，冇attention seeking 咁勁，會自己做自己野，諗返起以前真係去廁所都唔得閑！」

我：「係呀，因為家長你哋的功夫做得好好呀，小朋友喺呢度10幾次，但係你哋知道仲要對住佢10幾年，努力運用啲正確技巧，互相配合到嘛！」

小女孩潛意識把自己當成一隻龜，因為很多時候每感到害怕，就會把身體縮進龜殼去自我保護，逃避現實。可是，現在女孩感到被多個貝殼(家庭/治療室）的支持及愛護，她就用改過自身，比喻自己獲得的很多父母愛及正面能量，協助自己處理不少困難，而且慢慢成長中。

更重要的，這條由貝殼組成乍看像小花蛇的新生命，獲得滋養，正在鋭變成長，宛廷前進中！這全都是由充滿希望的一段段美好關係結合而成呢。

-------

文章轉載至「葉偉麟 兒童行為情緒治療師」Facebook Page