【新手爸媽必學】自拍嬰兒寫真 捕捉最自然一刻

，相信各位父母嘅手機空間都已經俾BB相佔據曬。而家網上仲好興一啲嬰兒寫真，其實父母可以自己動手影，而自己影更添一份回憶。

首先，道具同衫可以去淘寶搵返黎（唔建議著太耐，影完請立即換），而道具可以係你買落準備好俾佢既公仔同靚鞋等等。

最好下午時間用日光影，而個底就用白色或粉色毛毯（如下圖），一嚟白色可以反日光影出黎會靚啲，二嚟可以幫BB保暖。仲有影嘅時候記住企逆光位，如果唔係就會遮哂太陽光。

當日幫女女影嘅時候，等佢食到飽訓得好好嘅時候開工，本來以為同佢換衫佢會爆喊，結果反而又好乖，眼仔碌碌又有笑容真係好可愛，淨係呢個回憶已經值得我親手去影。

影完之後梗係要開心share啦，除左上載到社交媒體成功呃like之外，仲SEND到各大家族親戚group，無幾耐見到佢地手機螢幕已經轉哂做呢幾張相，作為新手爸爸兼攝影師都算達成咗一項新成就。

P.S記住慢慢留意佢表情同動作嘅變化，捕捉最自然同得意嘅一刻。

作者:Davis Papa
新手爸爸養有一女，現職電視台導演及網路媒體創作人

等佢食到飽訓得好好嘅時候開工，本來以為同佢換衫佢會爆喊，結果反而又好乖，眼仔碌碌又有笑容真係好可愛，淨係呢個回憶已經值得我親手去影。