【葉偉麟專欄】沒有對與錯的框架

家長：「自信心不足？」

我：「首先要搞清楚，係小朋友自己性格「自我要求高」？抑或係「家長對小朋友要求過高？如果係前者，將來好大機會成為社會上專業人士。如果係後者，就有機會做咩事都會逃避，因為怕萬一失敗，面對唔到自己同身邊嘅人。」

家長沉默不語。

很多時候家長對孩子會無形中深入了很多。
「應該咁樣咁樣先啱」
「你咁醒，有咩好驚啊」
「邊有話唔得架，俾啲心機做一定得」
「人哋個個都係咁架啦，有咩問題」

滿以為這是鼓勵的方法，其實只是變相將自己的要求，投射到小朋友身上，忽略了小朋友的負面情緒，例如恐懼和焦慮等等。

有時候甚至基於家長害怕「不整潔」或者「錯誤」的問題，而禁止一切讓兒童造成混亂的機會，即使在玩耍，繪畫方面也諸多限制，未能夠讓兒童充分發揮想像力，內心真正感受，觸感，價值觀等等。

這女孩來到治療室，絕對不容許自己犯錯，事事小心奕奕，盡量作出一個好孩子的榜樣。有一天她畫了一幅畫然後問我

女孩：「靚唔靚？」

我：「你覺得呢？」

女孩：「唔⋯我估媽咪實好鍾意。」

我：「似乎媽咪點睇，對你嚟講好重要喎。」

女孩：「梗係啦，我鍾意媽咪讚我嘛。」

我：「如果媽咪唔讚你，咁你覺得呢幅畫仲靚唔靚？」

女孩：「唔知噃⋯」

我：「其實，最重要係你自己點睇，唔係媽咪點睇。」

女孩沉默不語。

經過一段時間治療之後，女孩建構出自我價值觀，開始容許自己「不整潔」，甚至接納自己犯錯，並不著眼尋求外界的肯定。

我：「我見到你喺度整緊啲濕沙。」

女孩：「我煮緊大餐！」

我：「我見你花咗好多心思，切得好幼細噃。」

女孩：「啲麵包已經切好一片片，仲有棉花糖食，朱古力飲，你都有份架過嚟一齊食啦。」

這是女孩人生第一次，在沒有對與錯的框架下，能夠盡情發揮創意煮飯仔遊戲。