2019-10-18, 週五

【家長百科】BB耳仔入水點算好??

 

8845

日常生活中,唔理係幫BB洗頭、沖涼、游水等等,或者BB嘔奶後,都有可能唔小心將水入咗BB耳仔入面嘅情況,好多爸媽都會即刻用棉花棒清理,但咁做反而會傷到BB耳仔。咁到底點先係正確嘅處理方法呢??

20180519 8845 V01

「倒」出嚟
BB若果耳仔唔小心入水,家長可先將BB側躺著放喺自己大腿上,用手輕輕拉扯耳朵,將耳道拉直,讓水順勢流出。若係幼兒嘅耳朵入水,則將進水嘅一邊耳仔面向地面,抱住孩子輕輕跳幾下就可以,利用震動嘅方式將水震出來。

 

側躺發聲
側躺讓有積水嘅耳仔向下,嘴巴發出「啊嗚〜啊嗚〜」嘅聲音, 1~2分鐘後,水應該會自然流出。

 

提高耳朵溫度
水在耳裡會因表面張力卡住,可以用風筒吹耳仔令張力變弱流出,水都有可能會因為溫度提高而自然蒸發。但用風筒要注意溫度,控制喺最低溫度,並將風筒距離耳仔約15公分以上,可加速水分散去。

 

滴酒精和醋
假如耳朵進水的狀況都係無法緩解,可以在一個空容器中倒入少許酒精和醋各半並攪拌均勻,然後用滴管滴入1、2滴至耳道,接著將頭傾斜至進水的一側。酒精能加速耳道裡的水蒸發,而醋可以溶解耳垢,幫助耳道排空。但係要注意意,如果BB耳膜有損傷,就唔建議使用呢個方法啦。

另外一提,幼童嘅外耳道皮膚十分柔嫩,倘若時常掏耳孔,非常容易損害外耳道皮膚,導致細菌侵占,引起感染,嚴重點甚至還會出現生癤腫、發燒、食慾衰退、聽力下滑等不適情況。