【開埋醫生名】醫生粗魯對待孩子 媽媽報警處理

事源呢位媽媽帶仔仔去睇醫生，順路問埋可唔可以寫埋幼稚園既health record，醫生答佢要另外收費，因此最終媽咪並冇做到。翌日，媽咪認為health record嘅事情逼在眉睫，逼於無奈唯有搵返涉事醫生，睇下媽咪係點樣形容當日嘅情況先：

我尋晚帶孖b去睇醫生諗住順便問埋可唔可以寫幼稚園既health record，但佢收費話另計，仲要話二百幾海鮮價，感覺不安，就話唔洗。
今朝發現唔夠時間搵第二間醫生寫，所以照去啦，點知話要收多次診金，擺明搶，都算喇，照睇。
一入到去，醫生話「又寫喇」好串既態度。佢之後塞晒全隻手入細孖件衫，好粗魯（尋晚只塞聽筒），結果勒到細孖條頸紅晒，我覺得好唔對路，已經叫爸爸解開多幾粒鈕，佢就叫姑娘入黎睇，聽左好耐都未聽完，感覺開始玩野，

我話醫生你已經搞到大孖條頸紅晒，姑娘你都睇到，佢就話我哋唔可以繼續檢查，因為冇左信任，我話姑娘你都睇到醫生勒到佢條頸紅晒，醫生話報警囉！

佢拎我bb黎出氣，整襯佢，sorry都冇句，我唯有報警，我即時影返紅左既位置。等警察黎期間，我叫老公帶bb佢哋去隔離醫生度睇，我等住先，佢即刻拍台收起我哋份幼稚園既信，嚇到我哋bb即刻喊，仲話我要挾佢，佢好驚，唔比我哋走。我開左門先，費事有咩事冇人証。
警察都到喇，我講完晒之後，警察知我哋趕時間，叫我哋走先，我去拎返封信，佢又拍台，又嚇到我哋bb喊，話佢未講唔會比返封信我哋，警察問有咩理據，語無倫次講左啲費話，警察就話你想講野，等人哋走左，慢慢同佢講，先死死地氣比返份信我哋。
之後警察留低同佢傾。
後黎警察打返比我都話佢好串。
呢個醫生叫黃家豪，男，駐日出康城盈健。
覺得我再返去睇，想玩我，都唔好拎小朋友黎玩囉，好冇醫德，好冇品！

不過我建議大家唔好跟車太貼，網絡上始終都難分真與假，好多時都係雙方有問題！有人撐媽咪亦都有人撐醫生，所以大家睇完要自行消化，唔好盲目信服任何一方。

自稱目擊者（撐醫生）

其他網民以個人經歷證醫生有問題（撐媽咪）