2021-01-20, 週三

【走地雞串】網民揭發旺角小食店地板處理食物

「掃街」都算係香港一項飲食文化,各式各樣串燒、咖哩魚蛋、蒸燒賣相信大家都食唔少。我地有一句俗語叫「眼不見為淨」,我地都知道小食唔健康之餘,衛生情況亦都十分參差,不過始終「眼不見」,食得自然心安理得,但呢位網民就唔同啦,成個過程比佢見到曬,仲點食得落!

20170201 5963 A3

新年咁開心,放縱下自己食欲,享受一下街頭美味都不為過。有網民於新年期間到旺角一小食店,購買雞軟骨串燒,比咗錢之後望望下發覺唔對路!

20170201 5963 A1

雖然事主叫嘅係雞軟骨,佢洗嘅係雞翼,表面上河水不犯井水,但係見到咁都覺得間嘢唔多衛生!

可能好多行家都係咁做,但至少唔會做出面,事主最後要求退錢,店主一方無任何解釋同道歉,只係同事主講左一句「無事既」。

20170201 5963 A4

對好多市民嚟講,熟食檔衛生情況惡劣一向只係「公開的秘密」,但當事實擺在眼前你又接唔接受到呢?如果每年新年都要食呢種「走地雞」,我真係恭喜你啊!

圖片由Chung CF提供