2019-12-05, 週四

遊學團

  • 遊學團的團費並不便宜,但父母仍願意花費讓孩子參加,全因透過學團可擴闊他們的視野,以及開拓更大的思考空間。

  • 10729

    「反送中」風波持續,近日有港人表示到內地時被當地邊防人員扣查,要求出示手機檢查。教協調查發現,逾9成教師擔心自己或學生被內地機關扣查,亦有9成教師參與內地教師培訓或交流活動感擔心。教協要求面見教育局局長,促請制定對策。

    20190829 10729 k02

    教協在本月26至28日收集1,665份來自中小學和特殊學校受訪者對過境情況的回應,當中94.3%是前線的教師和主任。結果顯示,93.6%表示擔心及非常擔心自己或同事在帶領遊學團或跨境學童時,會被內地執法機關扣查;91.4%表示擔心及非常擔心學生會被內地執法機關扣查。90.1%受訪者亦表明,對參與內地的教師培訓或交流活動表示擔心和非常擔心。

    面對近日情況,7成人指學校未有任何應變措施,有11.6%稱學校已經決定延遲或取消內地遊學團;9.7%受訪者的學校會讓學生和家長自行決定是否參加內地遊學團。近8成人認為「暫停內地遊學團」可以很有效地減少老師對師生過境時被扣查的憂慮,其次是「讓教師自己決定是否帶領內地遊學團」。

    教協指,2018/19學年遊學團師生人數達逾81,180人次,跨境學童有27,786名。由於人數眾多,教協已去信去信教育局局長,要求盡快會面商討對策,促請教育局立即解除師生憂慮,亦呼籲學校以師生的安全為重,為內地遊學團制定適當的應變計劃。

    圖片來源:網上圖片

  • 【拋開手機】陶傑帶團 英國深度文化遊學

    英國是學生遊學的熱門地,但除了牛津和劍橋,還有什麼理想的目的地?今年暑假,一個由DR-Max主辦,才子陶傑帶隊的「暑假英語文化遊學團DIET」,將親自設計行程,帶領學生到他的「第二故鄉」,暫且拋開手機,親身感受英國歷史,利用視覺元素,激發孩子的學習動力。

  • 成日都話香港教育制度有問題,咁如果有機會可以去下外地遊學,係咪應該去試下呢?

  • 10828 1

    聖公會,非常出名,喺香港一定會知道呢個教會,身邊總會有個朋友讀過聖公會嘅幼稚園、小學、中學,社區仲有聖公會嘅服務中心,但大家知唔知聖公會起源,原來同一段男女關係大有關係?

    20190925 10828 k01

    究竟係邊對男女咁大影響力?當然唔係普通人啦,就係英國國王亨利八世喺1834年為咗同第一任老婆離婚,另娶侍女Anne Boleyn。無故休妻另娶,遵循一夫一妻嘅羅馬天主教當然唔容許,亨利八世就選擇同梵蒂岡決裂,另外自立聖公會,成為英國國教。

    點解無啦啦講聖公會,其實才子陶傑之前喺電台講過,不過Billy唔係聽電台先知,反而係細囡同我分享嘅。話說啱啱過去嘅暑假,細囡除咗同我哋飛咗一轉法國,我哋仲幫佢報咗由陶傑帶隊嘅「暑假英語文化遊學團DIET」。Billy覺得呢個遊學團幾好,因為12日行程由陶傑設計,Billy真係見過陶傑,佢真係博學多才,絕對唔係亂拋書包,說話總係流露出佢嘅智慧同修養,令人為之拜服。

    Billy一直相信要成為一個範疇嘅專家,一定係有技巧,只要掌握得到,就會成功。就好似Billy做投資都算不過不失,起碼賺到錢,生活無憂,Billy都知當中係有啲技巧,唔係靠好彩。所以,如果有個出色嘅人教兩招,受教嘅話就真係畢生受用。如果有個好老師,教出嘅學生都差極有個譜;如果聰明人可以跟李嘉誠學做生意;籃球員跟勒邦占士打吓籃球,點都學到啲嘢嘅。

    陶傑之所以係才子,除咗佢聰明之外,相信佢係有一套學習嘅技巧,陶傑大概有講過係要帶小朋友出外見識多啲,先可以開拓視野,引導小朋友自行去探索世界,並懂得多角度去思考。陶傑設計嘅遊學團就帶小朋友去英國一啲非熱門旅遊景點,但就蘊含豐富歷史意義嘅地方,就好似聖公會嘅發源地坎特伯里座堂。陶傑相信最緊要係引起小朋友嘅好奇心,令佢哋會跨學科學習,以探索方式了解,咁先連繫到現實同自身,令小朋友覺得唔係為考試而學,而係為興趣同提升自我修養咁去學,小朋友先至會有動力,仲可以終生學習。

    Billy好認同呢一套,講真呀,宜家有個電腦,差唔多咩都查得到,但係點樣令小朋友有興趣呢?仲要識得分析同獨立思考,呢啲就要引導啦。阿囡去完12日遊學團之後,Billy見佢對英國歷史同文化多咗興趣,仲主動考Billy識唔識聖公會起源。就係因為陶傑帶佢哋去過根德郡,好生動咁講過相關嘅故事,阿囡返嚟就引導埋我一齊睇歷史,仲知道埋亨利八世原來係個賤男,先後有6個老婆,有王后被離婚,又有被誣陷而被處死,真係好唔要得。

    兩父女一齊睇歷史真係好開心,知多樣嘢之餘,仲可以一齊討論,係一個益智親子活動。Billy期望阿囡一直保持住呢個好奇心,去接觸英國歷史同文化,先可以更有動力去學好英文,真正同英國人溝通,同世界接軌。

     

    作者:長腿爸爸Billy Cool
       人稱工廈界Cool魔,十幾年前買入第一個工廈單位,賺到第一桶金,從此改變對財富嘅睇法:有生意當然要繼續做,但想賺大錢就要有準確嘅投資角度!

  • 20190619 10506 C 00 new

     

    見到小孩坐定定、會叫人,大家總是讚賞有「家教」,可是今天,單單講求「家教」已是絕不足夠,那只是基本要求!更寶貴的是「底氣」,「底氣」是甚麼?從何而來?